ਪਿਰਾਮਿਡ ਈ ਸਰਵਿਸਿਜ਼ ਨੇ ਕਿਊਬਿਕ, ਕੈਨੇਡਾ ਵਿੱਚ ਤਿੰਨ ਲਾਇਸੰਸਸ਼ੁਦਾ ਕਾਲਜਾਂ ਦੇ ਦੀਵਾਲੀਆ ਹੋਣ ਤੋਂ ਪ੍ਰਭਾਵਿਤ ਆਪਣੇ ਵਿਦਿਆਰਥੀਆਂ ਲਈ ਕੀਤਾ ਸਹਾਇਤਾ ਦਾ ਐਲਾਨ

ਪਿਰਾਮਿਡ ਈ ਸਰਵਿਸਿਜ਼ ਕਿਊਬਿਕ ਸਰਕਾਰ ਦੁਆਰਾ ਲਾਇਸੰਸਸ਼ੁਦਾ ਸੰਸਥਾਵਾਂ — ਮਾਂਟਰੀਅਲ ਵਿੱਚ ਐਮ ਕਾਲਜ, ਸ਼ੇਰਬਰੂਕ ਵਿੱਚ ਸੀ.ਡੀ.ਈ ਕਾਲਜ, ਅਤੇ ਲੋਂਗਯੂਇਲ ਵਿੱਚ ਸੀ.ਸੀ.ਐਸ,ਕ਼ਯੂ ਕਾਲਜ (ਇਸ ਤੋਂ ਬਾਅਦ ਹੇਠਾਂ ਸਮੁਹਿਕ ਤੌਰ 'ਤੇ "ਕਾਲਜਾਂ" ਵਜੋਂ ਦਰਸਾਏ ਗਏ) ਦੇ ਦੀਵਾਲੀਆ ਹੋਣ ਤੋਂ ਪ੍ਰਭਾਵਿਤ ਵਿਦਿਆਰਥੀਆਂ ਦੇ ਦਰਦ ਨੂੰ ਪੂਰੀ ਤਰਾਂ ਸਮਝਦੀ ਅਤੇ ਮਹਿਸੂਸ ਕਰਦੀ ਹੈ। ਜਿਥੇ ਇੱਕ ਪਾਸੇ ਇਸ ਘਟਨਾ ਨਾਲ ਵਿਦਿਆਰਥੀਆਂ ਦਾ ਆਰਥਿਕ ਨੁਕਸਾਨ ਹੋਇਆ, ਉਥੇ ਦੂਜੇ ਪਾਸੇ ਉਨ੍ਹਾਂ ਦੇ ਕੈਨੇਡਾ ਵਿੱਚ ਪੜ੍ਹਨ ਦੀ ਯੋਜਨਾਵਾਂ ‘ਚ ਅੜਚਨਾਂ ਖੜੀਆਂ ਹੋ ਗਈਆਂ ਹਨ।

ਪਿਛਲੇ 20 ਸਾਲਾਂ ਤੋਂ ਅਸੀਂ ਵਿਦਿਆਰਥੀਆਂ ਦੇ ਵਿਦੇਸ਼ਾਂ 'ਚ ਉੱਜਲ ਭਵਿੱਖ ਲਈ ਹਰ ਤਰਾਂ ਨਾਲ ਮਦਦ ਕਰਦੇ ਆਏ ਹਾਂ। ਇਸ ਔਖੇ ਸਮੇਂ ਵਿੱਚ ਵੀ ਅਸੀਂ ਸਾਡੇ ਵਿਦਿਆਰਥੀਆਂ ਨਾਲ ਖੜੇ ਹਾਂ ‘ਤੇ ਆਪਣੀ ਵਿਦਿਆਰਥੀ-ਕੇਂਦਰਿਤ ਨੀਤੀ ਨੂੰ ਹਮੇਸ਼ਾ ਦੀ ਤਰਾਂ ਸੱਚੀ ਭਾਵਨਾ ਨਾਲ ਨਿਭਾਉਂਦੇ ਹੋਏ, ਅਸੀਂ ਪ੍ਰਭਾਵਿਤ ਵਿਦਿਆਰਥੀਆਂ ਦੇ ਵਿਦੇਸ਼ ਵਿੱਚ ਪੜਾਈ ਦੇ ਸੁਪਨੇ ਨੂੰ ਪੂਰਾ ਕਰਨ ਲਈ ਹਰ ਪੱਖੋਂ ਸਮਰਥਨ ਅਤੇ ਮਦਦ ਕਰਨ ਲਈ ਤਿਆਰ ਹਾਂ।

ਵਿਦਿਆਰਥੀਆਂ ਦੀ ਸਹਾਇਤਾ ਲਈ ਪਿਰਾਮਿਡ ਈ ਸਰਵਿਸਿਜ਼ ਦੁਆਰਾ ਚੁੱਕੇ ਗਏ ਕਦਮ

ਵਿਦਿਆਰਥੀਆਂ ਨੂੰ ਠੋਸ ਹੱਲ ਪ੍ਰਦਾਨ ਕਰਨ ਲਈ ਵੱਖ-ਵੱਖ ਹਿੱਸੇਦਾਰਾਂ ਨਾਲ ਕੰਮ ਕਰ ਰਹੇ ਹਾਂ। ਇਸ ਤੋਂ ਇਲਾਵਾ, ਅਸੀਂ ਆਪਣੇ ਵਿਦਿਆਰਥੀਆਂ ਦਾ ਭਵਿੱਖ ਕੈਨੇਡਾ ਵਿੱਚ ਸਭ ਤੋਂ ਵਧੀਆ ਤਰੀਕੇ ਨਾਲ ਸੁਰੱਖਿਅਤ ਕਰਨ ਲਈ ਕੁੱਝ ਉਪਾਅ ਕੀਤੇ ਹਨ।

ਪਿਰਾਮਿਡ ਸਹਾਇਤਾ ਪ੍ਰਤੀਬੱਧਤਾਵਾਂ ਵਿੱਚ ਸ਼ਾਮਲ ਹਨ:

• ਪਿਰਾਮਿਡ ਈ ਸਰਵਿਸਿਜ਼ ਨੇ ਕਿਊਬਿਕ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੁਝ ਸੰਸਥਾਵਾਂ ਨਾਲ ਇੱਕ ਪ੍ਰਬੰਧ ਕੀਤਾ ਹੈ, ਜੋ ਪ੍ਰਭਾਵਿਤ ਪਿਰਾਮਿਡ ਦੇ ਵਿਦਿਆਰਥੀਆਂ ਨੂੰ ਕੈਨੇਡਾ ਵਿੱਚ ਇੱਕ ਵਿਸ਼ਵ ਪੱਧਰੀ ਸੰਸਥਾ ਵਿੱਚ ਪੜ੍ਹਨ ਦੇ ਯੋਗ ਬਣਾਏਗਾ। ਇਹ ਮਾਪ ਇਹ ਵੀ ਯਕੀਨੀ ਬਣਾਉਂਦਾ ਹੈ ਕਿ ਵਿਦਿਆਰਥੀ ਪਹਿਲੇ ਸਾਲ ਲਈ ਟਿਊਸ਼ਨ ਫ਼ੀਸ ਦਾ ਭੁਗਤਾਨ ਨਹੀਂ ਕਰਨਗੇ (ਜੋ ਕਿ ਵਿਦਿਆਰਥੀਆਂ ਦੇ ਪ੍ਰੋਗਰਾਮ ਦੇ ਆਧਾਰ 'ਤੇ ਲਗਭਗ CAD$15,000 ਤੋਂ CAD$18000 ਤੱਕ ਹੈ )। ਇਸ ਤੋਂ ਇਲਾਵਾ, ਯੋਗ ਵਿਦਿਆਰਥੀਆਂ ਨੂੰ ਦੂਜੇ ਸਾਲ ਵਿੱਚ CAD2500 ਤੱਕ ਦੀ ਸਕਾਲਰਸ਼ਿਪ ਵੀ ਦਿੱਤੀ ਜਾਵੇਗੀ।

• ਜੇਕਰ ਕਿਸੇ ਵਿਦਿਆਰਥੀ ਨੂੰ, ਮੁੜ ਅਰਜ਼ੀ ਦੇਣ ਤੋਂ ਬਾਅਦ ਵੀ ਰਿਫਯੂਜ਼ਲ ਹਾਸਿਲ ਹੁੰਦੀ ਹੈ, ਤਾਂ ਪਿਰਾਮਿਡ ਈ-ਸਰਵਿਸਿਜ਼ , ਮਾਨਵਤਾ ਦੇ ਆਧਾਰ ਤੇ ਅਤੇ ਸਦਭਾਵਨਾ ਵਜੋਂ, ਵਿਦਿਆਰਥੀਆਂ ਦੁਆਰਾ ਕਿਊਬਿਕ ਦੇ ਕਾਲਜਾਂ ਨੂੰ ਅਦਾ ਕੀਤੀ ਗਈ ਰਕਮ ਚੋਂ ਵਾਪਿਸ ਮਿਲੀ ਰਕਮ ਨੂੰ ਛੱਡ ਕੇ ਸ਼ੇਸ਼ ਸਾਰੀ ਰਕਮ ਦਾ ਭੁਗਤਾਨ ਕਰੇਗੀ।

• ਉਹਨਾਂ ਸਾਰੇ ਪ੍ਰਭਾਵਿਤ ਵਿਦਿਆਰਥੀਆਂ, ਜਿਨ੍ਹਾਂ ਦੀ IELTS ਦੀ ਵੈਧਤਾ ਖ਼ਤਮ ਹੋ ਗਈ ਹੈ, ਨੂੰ ਪਿਰਾਮਿਡ ਈ ਸਰਵਿਸਿਜ਼ ਮੁਫ਼ਤ IELTS ਕੋਚਿੰਗ ਦੇਵੇਗੀ, ਅਤੇ ਇਮਤਿਹਾਨ ਦੀ ਫ਼ੀਸ ਵੀ ਪਿਰਾਮਿਡ ਈ ਸਰਵਿਸਿਜ਼ ਦੁਆਰਾ ਭਰੀ ਜਾਵੇਗੀ।

ਵਧੇਰੇ ਜਾਣਕਾਰੀ ਲਈ, ਵਿਦਿਆਰਥੀ ਨਜ਼ਦੀਕੀ ਪਿਰਾਮਿਡ ਦਫ਼ਤਰ ਤੱਕ ਪਹੁੰਚ ਸਕਦੇ ਹਨ ਜਾਂ ਆਪਣੇ ਕਾਉਂਸਲਰ ਨਾਲ ਸੰਪਰਕ ਕਰ ਸਕਦੇ ਹਨ। ਵਧੇਰੇ ਜਾਣਕਾਰੀ ਲਈ +91 92563-92563 ਤੇ ਕਾਲ ਕਰੋ। 

ਮਾਮਲੇ ਦਾ ਪਿਛੋਕੜ: 

ਕਿਊਬਿਕ, ਕੈਨੇਡਾ ਦਾ ਇੱਕ ਅਜਿਹਾ ਸੂਬਾ ਹੈ ਜੋ ਆਪਣੀਆਂ ਨਿਜੀ ਵਿਦਿਅਕ ਸੰਸਥਾਵਾਂ ਨੂੰ ਪੋਸਟ ਗਰੈਜੂਏਟ ਵਰਕ ਪਰਮਿਟ ਯੋਗ ਸਰਟੀਫ਼ੀਕੇਟ ਅਤੇ ਡਿਪਲੋਮਾ ਪ੍ਰੋਗਰਾਮਾਂ ਦੀ ਪੇਸ਼ਕਸ਼ ਕਰਨ ਦੀ ਇਜਾਜ਼ਤ ਦਿੰਦਾ ਹੈ। ਇਸ ਦੀਆਂ ਸਿੱਖਿਆ ਸੰਸਥਾਵਾਂ ਵਿੱਚ ਆਸਾਨ ਦਾਖ਼ਲਾ ਮਾਪਦੰਡ (ਘੱਟ IELTS ਸਕੋਰ), ਤੇਜ਼ ਅਰਜ਼ੀ ਪ੍ਰਕਿਰਿਆ, ਅਤੇ ਲਚਕਦਾਰ ਅਧਿਆਪਨ ਦੇ ਘੰਟੇ ਅਤੇ ਸਮਾਂ-ਸਾਰਨੀਆਂ ਹਨ , ਜਿਸ ਨੇ ਇਹਨਾਂ ਸੰਸਥਾਵਾਂ ਨੂੰ ਸਿੱਖਿਆ ਸਲਾਹਕਾਰਾਂ ਅਤੇ ਵਿਦਿਆਰਥੀਆਂ ਦੋਵਾਂ ਲਈ ਬਹੁਤ ਮਸ਼ਹੂਰ ਬਣਾਇਆ। ਇਹਨਾਂ ਕਾਰਕਾਂ ਨੇ ਵਿਦਿਆਰਥੀਆਂ ਵਿੱਚ ਕਿਊਬਿਕ ਵਿੱਚ ਅਜਿਹੀਆਂ ਸੰਸਥਾਵਾਂ ਦੀ ਵੱਡੀ ਮੰਗ ਨੂੰ ਜਨਮ ਦਿੱਤਾ।

ਕੋਵਿਡ-19 ਦੇ ਕਾਰਨ, ਵੀਜ਼ਾ ਪ੍ਰੋਸੇਸਿੰਗ ਵਿੱਚ ਭਾਰੀ ਦੇਰੀ ਹੋਈ, ਅਤੇ ਬਾਅਦ ਵਿਚ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਵੀਜ਼ਾ ਰੱਦ ਕੀਤੇ ਗਏ। ਸਿੱਟੇ ਵਜੋਂ, ਤਿੰਨ ਡੀਐਲਆਈ ਕਾਲਜਾਂ ਨੇ ਜਨਵਰੀ 2022 ਵਿੱਚ ਲੈਣਦਾਰ ਸੁਰੱਖਿਆ ਲਈ ਅਰਜ਼ੀ ਦਾਇਰ ਕਰ ਦਿੱਤੀ। ਇਸ ਕਾਰਨ ਭਾਰਤ ਵਿੱਚ ਬਹੁਤ ਸਾਰੇ ਵਿਦਿਆਰਥੀ, ਜਿਨ੍ਹਾਂ ਨੇ ਇਨ੍ਹਾਂ ਕਾਲਜਾਂ ਵਿੱਚ ਦਾਖਲਾ ਅਤੇ ਟਿਊਸ਼ਨ ਫ਼ੀਸਾਂ ਦਾ ਭੁਗਤਾਨ ਕੀਤਾ ਹੋਇਆ ਸੀ, ਆਪਣਾ ਅਧਿਐਨ ਪ੍ਰੋਗਰਾਮ ਸ਼ੁਰੂ ਨਹੀਂ ਕਰ ਸਕੇ।

ਇਹ ਮਾਮਲਾ ਕਿਊਬਿਕ ਦੀ ਉੱਚ ਅਦਾਲਤ ਵਿੱਚ ਵਿਚਾਰ ਅਧੀਨ ਹੈ, ਜਿਸ ਨੇ ਇੱਕ ਪ੍ਰਸਿੱਧ ਵਿਦਿਅਕ ਸਮੂਹ ਨੂੰ ਇਹਨਾਂ ਸੰਸਥਾਵਾਂ ਦੀ ਮਲਕੀਅਤ ਲੈਣ ਅਤੇ ਕੈਨੇਡੀਅਨ ਸਰਕਾਰ ਦੁਆਰਾ ਨਿਰਧਾਰਿਤ ਨਿਯਮਾਂ ਅਨੁਸਾਰ ਕੰਮ ਕਰਨਾ ਜਾਰੀ ਰੱਖਣ ਦੀ ਇਜਾਜ਼ਤ ਦਿੱਤੀ ਹੈ।

ਇਸ ਤੋਂ ਇਲਾਵਾ, ਵਿਦਿਆਰਥੀ ਪ੍ਰਤੀਨਿਧੀ ਕੌਂਸਲ ਨੇ ਅਦਾਲਤ ਨੂੰ ਇਮੀਗ੍ਰੇਸ਼ਨ, ਸ਼ਰਣਾਰਥੀ ਅਤੇ ਨਾਗਰਿਕਤਾ ਕੈਨੇਡਾ ("IRCC") ਦੁਆਰਾ ਉਨ੍ਹਾਂ ਵਿਦਿਆਰਥੀਆਂ 'ਤੇ ਮੁੜ ਵਿਚਾਰ ਕਰਨ ਦੀ ਇਜਾਜ਼ਤ ਦੇਣ ਲਈ ਕਿਹਾ ਹੈ ਜਿਨ੍ਹਾਂ ਨੂੰ ਸਟੱਡੀ ਪਰਮਿਟ ਦੇਣ ਤੋਂ ਇਨਕਾਰ ਕੀਤਾ ਗਿਆ ਹੈ।

ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਮਾਲਕੀ ਬਦਲਣ ਅਤੇ ਅਪੀਲ ਦੇ ਚੰਗੇ ਨਤੀਜੇ ਨਿਕਲਣਗੇ ਅਤੇ ਅਦਾਲਤ ਵਿਦਿਆਰਥੀਆਂ ਦੁਆਰਾ ਅਦਾ ਕੀਤੀ ਦਾਖ਼ਲਾ ਫ਼ੀਸ ਦਾ ਸਨਮਾਨ ਕਰਦੇ ਹੋਏ ਆਪਣੀ ਪੜ੍ਹਾਈ ਨੂੰ ਅੱਗੇ ਵਧਾਉਣ ਦੇ ਯੋਗ ਕਰੇਗੀ।