![ਕੈਨੇਡਾ ਨੇ ਆਨਲਾਇਨ ਪੜ੍ਹ ਰਹੇ ਵਿਦਿਆਰਥੀਆਂ ਲਈ ਵਰਕ ਪਰਮਿਟ ਯੋਗਤਾ ਦੀ ਮਿਆਦ ਵਧਾਈ](https://cdnpro.pyramiderp.com/blog/20211207004540_0.jpg)
ਕੈਨੇਡਾ ਨੇ ਆਨਲਾਇਨ ਪੜ੍ਹ ਰਹੇ ਵਿਦਿਆਰਥੀਆਂ ਲਈ ਵਰਕ ਪਰਮਿਟ ਯੋਗਤਾ ਦੀ ਮਿਆਦ ਵਧਾਈ
ਕੈਨੇਡਾ ਇੱਕ ਵਾਰ ਫਿਰ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਵੱਡੀ ਰਾਹਤ ਲੈ ਕੇ ਆਇਆ ਹੈ। ਨਵੀਨਤਮ ਅਪਡੇਟ ਦੇ ਅਨੁਸਾਰ, ਅੰਤਰਰਾਸ਼ਟਰੀ ਵਿਦਿਆਰਥੀ ਜੋ ਕੈਨੇਡਾ ਤੋਂ ਬਾਹਰ ਆਪਣਾ ਅਧਿਐਨ ਪ੍ਰੋਗਰਾਮ ਆਨਲਾਇਨ ਪੂਰਾ ਕਰ ਰਹੇ ਹਨ, ਹੁਣ ਉਹਨਾਂ ਦੇ ਪੋਸਟ-ਗ੍ਰੈਜੂਏਸ਼ਨ ਵਰਕ ਪਰਮਿਟ (PGWP) ਦੀ ਮਿਆਦ ਨੂੰ ਪ੍ਰਭਾਵਿਤ ਕੀਤੇ ਬਿਨਾਂ, 31 ਅਗਸਤ, 2022 ਤੱਕ ਆਪਣੀ ਪੜ੍ਹਾਈ ਆਨਲਾਇਨ ਜਾਰੀ ਰੱਖਣ ਦੇ ਯੋਗ ਹੋਣਗੇ। ਪਹਿਲਾਂ ਇਹ ਛੋਟ 31 ਦਸੰਬਰ 2021 ਤੱਕ ਹੀ ਸੀ।
ਕੈਨੇਡਾ ਸਰਕਾਰ ਨੇ ਅੱਗੇ ਕਿਹਾ ਹੈ ਕਿ ਜੇਕਰ ਕੋਈ ਵਿਦਿਆਰਥੀ 31 ਅਗਸਤ, 2022 ਤੱਕ ਆਪਣੀ 100% ਪੜ੍ਹਾਈ ਆਨਲਾਇਨ ਪੂਰੀ ਕਰ ਲੈਂਦਾ ਹੈ, ਤਾਂ ਵੀ ਉਹ Post-Graduation Work Permit ਲਈ ਯੋਗ ਹੋਵੇਗਾ। ਇਸ ਤੋਂ ਇਲਾਵਾ, ਆਪਣੇ ਘਰੇ ਬੈਠੇ 2 ਆਨਲਾਇਨ ਸਟੱਡੀ ਪ੍ਰੋਗਰਾਮ ਪੂਰਾ ਕਰਨ ਵਾਲੇ ਅੰਤਰਰਾਸ਼ਟਰੀ ਵਿਦਿਆਰਥੀ ਵੀ ਬਦਲੇ ਨਿਯਮਾਂ ਦਾ ਫਾਇਦਾ ਹੋਵੇਗਾ, ਬਸ਼ਰਤੇ ਉਹ ਮਾਰਚ 2020 ਅਤੇ ਅਗਸਤ 2022 ਵਿਚਕਾਰ ਚਲ ਰਹੇ ਜਾਂ ਸ਼ੁਰੂ ਕੀਤੇ ਗਏ ਹੋਣ।
ਇਹ ਘੋਸ਼ਣਾ ਵਿਦਿਆਰਥੀਆਂ ਲਈ ਵੱਡੀ ਰਾਹਤ ਲੈ ਕੇ ਆਈ ਹੈ ਕਿਉਂਕਿ ਉਹ ਹੁਣ ਆਪਣੀ PGWP ਵੈਧਤਾ ਦੀ ਚਿੰਤਾ ਕੀਤੇ ਬਿਨਾਂ ਆਪਣੀ ਪੜ੍ਹਾਈ ਆਨਲਾਇਨ ਜਾਰੀ ਰੱਖ ਸਕਦੇ ਹਨ।
ਜ਼ਿਕਰਯੋਗ ਹੈ ਕਿ ਕਰੋਨਾ ਵਾਇਰਸ ਮਹਾਂ-ਮਾਰੀ ਕਾਰਨ ਪੈਦਾ ਹੋਈਆਂ ਅੜਚਨਾਂ ਦੇ ਚਲਦਿਆਂ IRCC ਨੂੰ ਸਟੱਡੀ ਪਰਮਿਟਾਂ ਸਮੇਤ ਲਗਭਗ 1.8 ਮਿਲੀਅਨ ਇਮੀਗ੍ਰੇਸ਼ਨ ਅਰਜ਼ੀਆਂ ਦੇ ਵੱਡੇ ਬੈਕ ਲਾਗ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸਿੱਟੇ ਵਜੋਂ, ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਆਪਣੇ ਅਧਿਐਨ ਵੀਜ਼ਾ ਪ੍ਰਾਪਤ ਕਰਨ ਵਿੱਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਭਾਰਤ ਵਿੱਚ ਵੀ, ਕੈਨੇਡਾ ਲਈ ਸਿੱਧੀਆਂ ਉਡਾਨਾਂ ਮੁੜ ਸ਼ੁਰੂ ਹੋਣ ਦੇ ਬਾਵਜੂਦ, ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਅਜੇ ਵੀ ਆਪਣੇ ਅਧਿਐਨ ਪ੍ਰੋਗਰਾਮਾਂ ਨੂੰ ਆਨਲਾਇਨ ਪੂਰਾ ਕਰ ਰਹੇ ਹਨ।
ਵਰਕ ਪਰਮਿਟ ਦੀ ਮਿਆਦ ਅਧਿਐਨ ਪਰਮਿਟ ਦੀ ਲੰਬਾਈ 'ਤੇ ਨਿਰਭਰ ਕਰਦੀ ਹੈ। ਉਦਾਹਰਣ ਲਈ, ਜੇਕਰ ਅਧਿਐਨ ਪਰਮਿਟ 8 ਮਹੀਨਿਆਂ ਤੋਂ ਘੱਟ ਹੈ, ਤਾਂ ਇਸਨੂੰ PGWP ਲਈ ਯੋਗ ਨਹੀਂ ਮੰਨਿਆ ਜਾਂਦਾ ਹੈ। ਜੇਕਰ ਕੋਈ ਅਧਿਐਨ ਪ੍ਰੋਗਰਾਮ 8 ਮਹੀਨਿਆਂ ਤੋਂ ਵੱਧ ਅਤੇ 2 ਸਾਲਾਂ ਤੋਂ ਘੱਟ ਹੈ, ਤਾਂ ਵਿਦਿਆਰਥੀ ਆਪਣੇ ਅਧਿਐਨ ਪ੍ਰੋਗਰਾਮ ਦੀ ਮਿਆਦ ਦੇ ਬਰਾਬਰ PGWP ਪ੍ਰਾਪਤ ਕਰ ਸਕਦਾ ਹੈ। ਅਤੇ ਜੇਕਰ ਸਟੱਡੀ ਪ੍ਰੋਗਰਾਮ 2 ਸਾਲਾਂ ਤੋਂ ਵੱਧ ਦਾ ਹੈ, ਤਾਂ ਵਿਦਿਆਰਥੀ 3 ਸਾਲ ਤੱਕ ਦਾ PGWP ਪ੍ਰਾਪਤ ਕਰ ਸਕਦਾ ਹੈ। ਵਿਦਿਆਰਥੀ ਆਪਣੇ PGWP ਦੀ ਮਿਆਦ 3 ਸਾਲਾਂ ਤੱਕ ਵਧਾਉਣ ਲਈ ਦੋ ਪ੍ਰੋਗਰਾਮਾਂ ਨੂੰ ਵੀ ਜੋੜ ਸਕਦੇ ਹਨ।
ਇਹ ਨੋਟ ਕੀਤਾ ਜਾਣਾ ਚਾਹੀਦਾ ਹੈ ਕਿ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ PGWP ਲਈ ਕੇਵਲ ਤਾਂ ਹੀ ਯੋਗ ਮੰਨਿਆ ਜਾਂਦਾ ਹੈ ਜੇਕਰ ਉਹਨਾਂ ਦੁਆਰਾ ਚੁਣੇ ਗਏ ਇਕ ਜਾਂ ਇਕ ਤੋਂ ਵੱਧ ਪ੍ਰੋਗਰਾਮ (1) ਇੱਕ ਮਾਨਤਾ ਪ੍ਰਾਪਤ ਕਨੇਡੀਅਨ ਯੂਨੀਵਰਸਿਟੀ ਜਾਂ ਕਾਲਜ (DLI) ਤੋਂ ਹੋਵੇ, (2) ਸਟੱਡੀ ਪ੍ਰੋਗਰਾਮ ਪਿਛਲੇ ਦੋ ਸਾਲਾਂ ਵਿੱਚ ਪੂਰੇ ਕੀਤੇ ਗਏ ਹੋਣ, (3) ਪ੍ਰੋਗਰਾਮ ਸਾਰੀਆਂ PGWP ਯੋਗਤਾ ਲੋੜਾਂ ਨੂੰ ਪੂਰਾ ਕਰਦੇ ਹੋਣ ਅਤੇ ( 4) ਅਤੇ ਘੱਟੋ-ਘੱਟ 8 ਮਹੀਨੇ ਲੰਬੇ ਹੋਣ।
ਕੈਨੇਡਾ ਵਿਚ ਪੜ੍ਹਾਈ ਕਰਨ ਤੋਂ ਬਾਦ ਕਮ ਕਰਨ ਦਾ ਵਰਕ ਪਰਮਿਟ ਹਜ਼ਾਰਾਂ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਕੈਨੇਡਾ ਵੱਲ ਆਕਰਸ਼ਿਤ ਕਰਦਾ ਹੈ। ਆਪਣੇ ਅਧਿਐਨ ਪ੍ਰੋਗਰਾਮ ਨੂੰ ਪੂਰਾ ਕਰਨ ਤੋਂ ਬਾਅਦ, ਅੰਤਰਰਾਸ਼ਟਰੀ ਵਿਦਿਆਰਥੀ PGWP ਦੁਆਰਾ ਕੀਮਤੀ ਕੰਮ ਦਾ ਤਜਰਬਾ ਹਾਸਲ ਕਰਦੇ ਹਨ। ਕੈਨੇਡੀਅਨ ਕੰਮ ਦਾ ਤਜਰਬਾ ਉਦੋਂ ਕੰਮ ਆਉਂਦਾ ਹੈ ਜਦੋਂ ਅੰਤਰਰਾਸ਼ਟਰੀ ਵਿਦਿਆਰਥੀ ਸਥਾਈ ਨਿਵਾਸ (PR) ਲਈ ਅਪਲਾਈ ਕਰਦੇ ਹਨ। ਸਟੈਟਿਸਟਿਕਸ ਕੈਨੇਡਾ ਦੀ ਤਾਜ਼ਾ ਰਿਪੋਰਟ ਦੇ ਅਨੁਸਾਰ, ਆਪਣੀ ਪੜ੍ਹਾਈ ਦੌਰਾਨ ਜਾਂ ਬਾਅਦ ਵਿੱਚ ਕੰਮ ਕਰਨ ਵਾਲੇ 10 ਵਿੱਚੋਂ 6 ਅੰਤਰਰਾਸ਼ਟਰੀ ਵਿਦਿਆਰਥੀ ਸਥਾਈ ਨਿਵਾਸੀ ਬਣ ਜਾਂਦੇ ਹਨ।
ਇਹ ਵੀ ਦੱਸਣਾ ਜਰੂਰੀ ਹੈ ਕਿ ਸਟੱਡੀ ਪਰਮਿਟ ਲਈ ਬਿਨੈ ਕਰਨ ਤੋਂ ਪਹਿਲਾਂ ਵਿਦਿਆਰਥੀਆਂ ਦੁਆਰਾ ਅਧਿਐਨ ਵਿੱਚ ਬਿਤਾਇਆ ਗਿਆ ਸਮਾਂ PGWP ਵਿੱਚ ਨਹੀਂ ਗਿਣਿਆ ਜਾਂਦਾ। ਇਸ ਲਈ, ਇਹ ਜ਼ੋਰਦਾਰ ਹੈ ਕਿ ਵਿਦਿਆਰਥੀ ਅਧਿਐਨ ਪਰਮਿਟ ਲਈ ਅਪਲਾਈ ਕਰਨ ਤੋਂ ਪਹਿਲਾਂ ਆਪਣਾ ਕੋਰਸ ਸ਼ੁਰੂ ਨਾ ਕਰਨ। ਕੈਨੇਡਾ ਸਟੱਡੀ ਵੀਜ਼ਾ ਲਈ ਵਧੇਰੇ ਜਾਣਕਾਰੀ ਅਤੇ ਮਾਰਗਦਰਸ਼ਨ ਲਈ, ਵਿਦਿਆਰਥੀ ਸਾਡੀ ਕਿਸੇ ਵੀ ਬ੍ਰਾਂਚ 'ਤੇ ਜਾ ਸਕਦੇ ਹਨ ਜਾਂ 92563-92563 'ਤੇ ਕਾਲ ਕਰ ਸਕਦੇ ਹਨ।
Related Articles
From Classroom to Career in Canada: Exploring province-wise job opportunities
Canada has long been a favourite destination for international students from India, who seek
Aligning Study Programs with Relevant Job Trends in Canada
In today's world, where the global economy influences job markets everywhere, it's more important than
How to Make the Most of Study Abroad Fairs and Events
Exploring new countries, experiencing different cultures, and receiving a world-class education are incredibly
Canada Increases Work Hours for International Students
Starting September 2024, international students in Canada will be allowed to work up to 24 hours per week off-